الأسقف هي الجزء اللي بيتجاهله معظم الناس وهما بيفكروا في تشطيب شقتهم، بس الحقيقة إن السقف بيأثر على المظهر العام للأوضة بشكل كبير جداً. أنا شايف في شغلي اليومي في القاهرة والجيزة إن الشقق اللي اتعمل فيها سقفها صح بتبان أفخم بمراحل من الشقق اللي اتهمل فيها السقف لأن في ناس بتجدد شققهم دهان وش نظافة بدون ماتدهن الأسقف.
النهارده هوضحلك كل حاجة عن دهانات الأسقف والحوائط من تجربة شغل فعلية، مع الأسعار الحقيقية لسنة 2026.
| نوع الشغل | سعر المتر المربع |
|---|---|
| وش نظافة سقف (طبقة واحدة) | 18 – 25 جنيه |
| وشين نظافة سقف | 30 – 45 جنيه |
| تأسيس نقاشة سقف كامل | 55 – 85 جنيه |
| دهان حوائط وش نظافة | 20 – 35 جنيه |
| تأسيس نقاشة حوائط كامل | 65 – 100 جنيه |
| دهان سقف بدهان فاخر (فيلا / تشطيب سوبر لوكس) | 90 – 140 جنيه |
ملاحظة: الأسعار بتتفاوت على حسب المنطقة والحالة الحالية للسقف ونوع الدهان المستخدم.

قبل ما نبدأ أي شغل نقاشة، لازم الأثاث يتشال أو يتجمع في النص ويتغطى بمشمع كويس. الدهان بييجي على الأرضية بسهولة وبتعمل مشاكل في البلاط أو الرخام لو ماتحمتش منه.
2. تنظيف السطح وتجهيزه
السقف لازم يكون نظيف وناشف تماماً قبل الدهان. لو فيه دهان قديم وا شع أو متقشر لازم يتشال الأول. ولو فيه رطوبة في السقف — وده بيحصل كتير في شقق الأدوار العليا أو تحت الأسطح — لازم تعالجها قبل الدهان مش بعده.
3. لصق الكرانيش وحواف زوايا الحوائط الزاويا 45
بنستخدم شريط لاصق عرض 5سم على حواف الجدار عند السقف عشان الرولة ماتعملش خطوط على الحيطة. ده بيفرق كتير في النهاية.
بنبدأ دايماً بطبقة بلاستيك داخلي مخفف كويس — سواء بلاستيك 700 أو بلاستيك 3030 — وده بيخلي الطبقة التانية تمسك بشكل أحسن بكتير وبيقلل استهلاك الدهان الغالي.
الخطوة 2: الزواية والحدود أولاً
بنبدأ بالفرشة الصغيرة على حواف السقف والزوايا الضيقة قبل ما نجيب الرولة. ده بنسميه "الزوي" وبيضمن إن الحواف نضيفة ومضبوطة.
الخطوة 3: الرولة من الزاوية للزاوية
بعد كده بنشتغل بالرولة ذات الذراع الطويل في خطوط مستقيمة من زاوية للتانية. مهم جداً نكمل السقف في جلسة واحدة عشان الدهان ميبانش فيه فرق لون اللى هو اسمه تشبيح الدهان.
الخطوة 4: الطبقة التانية
بعد ما الطبقة الأولى تنشف كويس — وده بياخد وقت بسيط على حسب نوع الدهان والجو — بنشوف هل محتاجين طبقة تانية. في الأغلب السقف محتاج وشين خصوصاً لو بيتدهن على الدهان القديم.
❌ الدهان على رطوبة: أكبر غلطة على الإطلاق — الدهان هيطلع بعد شهور وهتعمل الشغل مرتين.
❌ تخطي طبقة الأساس: بتوفر فلوس في الأول وبتخسر ضعفها في الآخر لأن الدهان مش بيمسك.
❌ استخدام دهان الحوائط على السقف: دهان السقف مختلف في تركيبته، أكتر سماكة وأقل لمعة، لو استخدمت دهان الحيطة على السقف هتلاقي البقع واضحة على طول.
❌ الدهان في جو رطب أو برد شديد: في الإسكندرية ومناطق الدلتا ده بيحصل كتير — الجو الرطب بيمنع الدهان من الجفاف الصح.
وش النظافة: طبقة واحدة أو اتنين من الدهان على سطح موجود بالفعل بهدف التجديد السريع. مناسب لو السقف سليم ومش فيه مشاكل.
التأسيس الكامل: ده شغل متكامل بيشمل معالجة الشروخ والرطوبة، وضع السيلر، الجبس لو محتاج، وبعدين الدهان. ده اللي بنعمله في تشطيب شقق جديدة من الصفر.
| نوع الدهان | مناسب لإيه |
|---|---|
| بلاستيك داخلي مطفي | الأسقف العادية — بيخبي العيوب أحسن |
| بلاستيك ناعم (سيلك) | أسقف الريسبشن والصالات الفاخرة |
| دهان مقاوم للرطوبة | الحمامات والمطابخ والأدوار الأرضية |
| دهان أكريليك خارجي | الأسقف المكشوفة والبلكونات |

| مساحة الشقة | تكلفة دهان الأسقف وش نظافة | تكلفة تأسيس كامل |
|---|---|---|
| 80 متر | 3,500 – 5,500 جنيه | 9,000 – 14,000 جنيه |
| 100 متر | 4,500 – 7,000 جنيه | 12,000 – 18,000 جنيه |
| 150 متر | 6,500 – 10,000 جنيه | 17,000 – 26,000 جنيه |
| 200 متر | 8,500 – 13,000 جنيه | 22,000 – 34,000 جنيه |
الأسعار دي تشمل إيد العمالة والخامات الأساسية. تكلفة تشطيب شقة 100 متر بالتفصيل موجودة في مقال تاني عندنا.دهان الأسقف والحوائط مش مجرد دهان لون على سطح — ده شغل محتاج تحضير صح، خامات مناسبة، وأيدي شاطرة عشان النتيجة تبقى محترمة وتعيش سنين.
لو إنت في القاهرة أو الجيزة أو أي من مناطق مصر الكبرى وعايز معاينة مجانية لشغل الدهانات والنقاشة عندك، اتصل بينا النهارده على 01001211606 وهنبعتلك متخصص يعملك تقييم كامل للشغل المطلوب واحسن سعر ممكن.